Kaibigan, Andiyan Ka Pa Ba?

Magkaibigan noon,

Kahit tanguan wala na ngayon.

Araw-araw kasama noon,

Kahit ilang minuto ayaw na mag kwentuhan ngayon.

Anong nangyari?

May mali bang nasabi?

Bakit biglang nawala?

Ano ang aking nagawa?

Andito na naman tayo,

Palihim na nagtatalo.

Isip ay gulong-gulo,

Sana’y mabasa mo ito.

Kausapin ako,

Yan ang gusto ko.

Lamig na bumabalot sa atin

Sana wakasan na at lumapit sa akin.